Kesho Jumamosi Wananchi wana jambo lao pale uwanja wa Benjamin Mkapa wakati watakaposhuka uwanjani kuikabili Mtibwa Sugar katika mchezo wa ligi kuu ya Vodacom
Uongozi umeweka hadharani viingilio vya mchezo huo utakaopigwa kuanzia saa moja kamili usiku ambapo Mzunguuko ni Tsh 5,000/-, VIP A ni Tsh 15,000/- na VIP B na C ni Tsh 10,000/-
Baada ya kulazimishwa matokeo ya sare katika michezo mitatu iliyopita, huu ni mchezo wa kufa au kupona kwa Yanga kuondoka na alama zote tatu
Lakini pia, mchezo huu utatumika kupima mwenendo wa waamuzi baada ya tamko lililotolewa na uongozi mapema leo
Uongozi wa Yanga umeweka wazi kuwa umechoka kuonewa na maamuzi ambayo yameigharimu timu kukosa matokeo wanayostahili
Kama ni kushindwa basi timu ishindwe kihalali na kama ni kushinda basi pale inapostahili wapewe haki yao
Na kuwa hawatasita kuchukua maamuzi magumu kama wataendelea kuonewa katika michezo yao
