Yanga kuifuata Mbeya City Alhamisi

Kikosi cha Yanga kinaondoka jijini Dar es salaam kesho Alhamisi kuelekea mkoani Mbeya ambako wanakabiliwa na mchezo wa ligi kuu dhidi ya Mbeya City

Mchezo huo utapigwa Jumamosi, Februari 13 katika uwanja wa Sokoine

Kaimu Katibu Mkuu wa Yanga Haji Mfikirwa amesema timu itaondoka jijini Dar es salaam ikiwa na wachezaji 24 na viongozi 18, nane wakiwa wa benchi la ufundi

"Timu itaondoka Dar Alhamisi, tutaondoka na wachezaji 24 na viongozi 14, tutakuwa na msafara wa watu 38"

"Jumamosi tunakabiliwa na mchezo mgumu dhidi ya Mbeya City lakini tumejipanga kuhakikisha tunashinda, lengo letu ni kutwaa ubingwa msimu huu," alisema

Mabingwa hao wa kihistoria leo watakamilisha maandalizi yao ya mwisho kabla ya 'kupaa' mkoani Mbeya hapo kesho