Watoto wa Tanga, African Sports wamewalaza na viatu kaka zao Yanga baada ya kuwachapa bao 1-0 katika mchezo wa kirafiki uliopigwa uwanja wa Azam Complex, Chamazi
Ulikuwa mchezo wa kwanza kwa mshambuliaji Fiston Abdul Razak aliyecheza kwa takribani dakika 70
Hata hivyo viungo leo hawakwendana na mikimbio yake hali iliyopelekea aingie katika mitego ya kuotea kila mara
Yanga watajilaumu wenyewe kwa kukosa matokeo katika mchezo huo kwani walishindwa kutumia nafasi nyingi walizotengeneza
Kaze alibadili kikosi chake katika kipindi cha pili hasa baada ya African Sports kupata bao la kuongoza lakini mchezo huo ulimalizika kwa ushindi kwa African Sports
Ulikuwa ni mchezo wa maandalizi kuelekea kurejea kwa mikiki mikiki ya ligi kuu Yanga ikitarajiwa kusafiri mkoani Mbeya kuifuata Mbeya City
