Mshambuliaji wa zamani wa Yanga Amisi Tambwe amekiri kuwa jana aliwasiliana na Mkurugenzi wa Uwekezaji GSM Mhandisi Hersi Saidi kwa ajili ya kukamilisha malipo ya fedha anazoidai klabu hiyo
Juzi baada ya kuibuka taarifa kuwa Yanga itazuiwa kufanya usajili kwa madirisha matatu kama haitamlipa mshambuliaji huyo kiasi cha Tsh Milioni 44 anazodai, uongozi wa Yanga ulikiri kupokea barua ya FIFA inayowaelekeza walipe deni hilo
Aidha Injinia Hersi kwa niaba ya GSM, alisema kuwa deni hilo litalipwa kabla ya siku ya leo Ijumaa kumalizika
"Ni kweli jana nilipigiwa simu na Injinia Hersi Said, kwa ajili ya kufanya mchakato wa malipo fedha ninazodai," alisema Tambwe
Kumekuwa na msululu wa wachezaji ambao wana madai Yanga, uongozi umeahidi kuendelea kulipa taratibu
Mwenyekiti wa Yanga Dk Mshindo Msolla amesema waliweka utaratibu wa kulipa madeni hayo, wataendelea nao
Kati ya mwaka 2015 na 2019 Yanga ilikumbwa na changamoto kubwa ya kiuchumi hasa baada ya aliyekuwa Mwenyekiti wake Yusufu Manji kukumbwa na matatizo
Matatizo hayo yalipelekea Manji akajiuzulu nafasi zake zote za uongozi ndani ya Yanga, tukio ambalo kwa hakika liliiweka Yanga katika njia panda kwani yeye ndiye aliyekuwa mfadhili mkuu
