Miongoni mwa masuala ambayo jana yalitolewa ufafanuzi na Mkurugenzi wa Uwekezaji GSM Mhandisi Hersi Said katika Wananchi Media Day, ni usajili wa mshambuliaji Fison Abdul Razak
Injinia Hersi alithibitisha kuwa Yanga ilimsajili Fiston kwa mkataba wa awali wa miezi sita lakini yapo makubaliano maalum kuwa nyota huo anaweza kuongeza mkataba huo kuwa miaka miwili
"Kuna timu kutoka barani Asia ilikuwa ikimuhitaji Fiston sasa wakati akisubiri dili lake tukazungumza nae ajiunge nasi kwa mkataba wa miezi sita"
"Kama dili lake litakamilika basi atajiunga na timu hiyo baada ya mkataba wake wa miezi sita kumalizika lakini kama ni sivyo basi atasalia hapa kwa mwaka mmoja na nusu zaidi," alisema
Aidha Injinia Hersi amesema tayari vibali vya nyota huyo vimepatikana na wameshaviwasilisha TFF hivyo anaruhusiwa kuitumikia Yanga katika mashindano yote
