Nugaz afunguka sakata la Tambwe

Msemaji na Mhamasishaji wa Yanga Antonio Nugaz amesema uongozi wa timu hiyo utalishughulikia suala la mshambuliaji Amisi Tambwe haraka

Aidha Nugaz amesema kupitia Kaimu Katibu Mkuu Haji Mfikirwa, watatoa taarifa rasmi kuhusu sakata hilo

"Taarifa kuhusu suala la Amisi Tambwe binafsi nimeziona kwenye mitandao ya kijamii, hivyo naamini Kaimu Katibu Mkuu atalishughulikia kwa haraka sana"

"Sisi tumeshatoka huko, ule unyonge tuliokuwa nao zamani haupo tena, hakuna shaka litamalizwa haraka na mambo mengine yataendelea kama kawaida," alisema Nugaz

Jana usiku ziliibuliwa taarifa kuwa Yanga imefungiwa kusajili kwa madirisha matatu mpaka pale itakapomlipa Tambwe malimbikizo ya fedha anazodai