Siku ya leo ni maalum kwa klabu ya Yanga kujumuika na wadau wake katika tukio lililopewa jina la Wananchi Media Day
Hili ni tukio ambalo litawapa fursa Wanahabari kwa mara ya kwanza kuingia ndani ya kambi ya klabu ya Yanga ilipo ndani ya mji wa kisasa wa Avic Town, Kigamboni
Kupitia tukio hili Wanahabari watapata fursa ya kukutana ana kwa ana na viongozi, benchi la ufundi, wachezaji na wadhamini wa Yanga ambapo watapewa nafasi ya kufahamu masuala mbalimbali yanayoihusu klabu ya Yanga ambayo iko katika sura mpya
Msafara utaanzia Makao Makuu ya Yanga, Jangwani jijini Dar es salaam kuelekea Kigamboni tayari kwa tukio hilo ambalo litaanza saa nne kamili asubuhi
Kila mdau wa Yanga atashiriki katika tukio hilo la aina yake ambalo linafanyika hapa Tanzania kwa mara ya kwanza
Wadhamini wakuu Sportpesa, GSM, Taifa Gas, Afya, Anta na Azam TV wote wamethibitisha watakuwa sehemu ya tukio hilo
Safu ya uongozi wa Yanga itaongozwa na Mwenyekiti Dk Mshindo Msolla, Makamu Mwenyekiti Fredric Mwakalebela, Kaimu Katibu Mkuu Haji Mfikirwa na Arafat Haji, Mjumbe wa kamati ya Utendaji
GSM itawakilishwa na Mkurugenzi wa Uwekezaji Injinia Hersi Said na pia Mshauri wa Yanga Senzo Mbartha nae atakuwa sehemu ya tukio hilo
