Afisa Mhamasishaji wa Yanga Antonio Nugaz amesema tukio la Wananchi Media Day ambalo litafanyika viunga vya Avic Town kule Kigamboni hapo kesho, litawapa fursa wanahabari kukutana ana kwa ana na wachezaji, viongozi na benchi la ufundi la Yanga kufahamu masuala mbalimbali yanayoihusu Yanga
Nugaz amesema tukio hili ni endelevu kila mara watakuwa na utaratibu huu ambao wenye lengo la kujenga mahusiano mazuri kati ya klabu ya Yanga na Wanahabari ambao ndio wadau namba moja katika kuitangaza 'brand' ya Yanga
"Hii ni mara ya kwanza utaratibu huu Yanga tunauleta haba Tanzania (Wananchi Media Day)"
"Kiuhalisia ni siku ambayo itakuwa inatoa Fursa kwa Waandishi wa Habari kupata mahojiano ya ana kwa ana kwa timu nzima ya Yanga, taarifa za bidhaa mbalimbali za Wadhamini wetu,viongozi pamoja wadau wa soka," amesema Nugaz
Wanahabari wameaswa kuchangamkia nafasi hii ambayo itawawezesha kuingia katika mji wa Avic Town kwa mara ya kwanza, mji ambao klabu ya Yanga inaishi humo
Kwa siku za kawaida hakuna mtu yeyote anayeruhusiwa kuingia ndani ya kambi ya Yanga pasipo kuwa na ruhusa ya uongozi
