Yanga WhatsApp wakabidhi rambirambi kwa Mwamnyeto

Wiki chache zilizopita kabla ya kuanza kwa michuano ya CHAN, beki wa timu ya Taifa na nahodha Msaidizi wa Yanga Bakari Nondo Mwamnyeto alipata msiba kwa kufiwa na mchumba wake kutokana na matatizo ya uzazi

Ulikuwa msiba mkubwa kwa Mwamnyeto ambaye hata hivyo aliweka uzalendo wa Taifa lake mbele na kwenda 'kupigana vita' kule Cameroon

Jana Umoja wa Mashabiki wa Yanga makundi ya WhatsApp walimkabidhi Mwamnyeto kiasi cha Tsh 6.2Mil kama rambirambi ya faraja kwa kumpoteza mchumba wake aliyefariki pamoja na mtoto

Kwa mara nyingine, tunampa pole Mwamnyeto kwa msiba mkubwa aliopata