Habari ya mjini ni ujio wa mshambuliaji mpya wa Yanga Fiston Abdul Razak aliyewasili jana kuanza majukumu yake na timu ya Wananchi
Wadhamini wa Yanga GSM wamefanikisha ujio wa nyota huyo ambaye alikuwa ni pendekezo la kocha Cedric Kaze
Fiston ni aina ya mshambuliaji ambaye Yanga ilimuhitaji wakati huu ili kuongeza makali ya safu yake ya ushambuliaji
Baada ya kutua tu, Fiston aliwashukuru mashabiki waliojitokeza kwa wingi kumpokea uwanja wa Ndege wa Kimataifa wa Mwalimu Julius Nyerere hapo jana
Lakini muhimu, akawaambia Wananchi kuwa amekuja kufanya kazi hivyo watarajie mambo mazuri kutoka kwake
"Nawashukuru mashabiki mliojitokeza kuja kunikaribisha timu yetu ya Wananchi. Napenda kuwahakikishia kuwa nitajituma kadiri ya uwezo wangu, nitafunga mabao na muhimu zaidi nitahakikisha tunashinda ubingwa mwaka huu," alisema
