Mshauri wa klabu ya Yanga Senzo Mbartha Mazingisa amesema hapa Tanzania yuko mtu ambaye kazi yake kubwa ni kupiga kelele kwa lengo la kukwamisha au kupinga mipango yoyote inayofanywa na klabu ya Yanga
Senzo amemfananisha mtu huyo na Vuvuzela, tarumbeta maarufu kule Afrika Kusini ambazo mashabiki huzitumia kunogesha ushangiliaji wa kandanda
Vuvuzela hizo huwa na kelele kali kiasi zinaweza kuwafanya watu wasiweze kusikilizana uwanjani
Senzo amesema wamebaini mbinu za mtu huyo na kundi lake, wamejipanga kwa kutumia njia sahihi, watafikia malengo yaliyowekwa
Huyo ni chokoraa
Mkurugenzi wa Uwekezaji GSM Injinia Hersi Said nae amepigilia msumari akimfananisha mtu huyo na CHOKORAA
"Mtu hajawahi kuwa na kampuni wala kufanya kazi kwenye kampuni kubwa si ajabu kuona anashangaa calendar"
"Kampuni zote kubwa duniani zina calendar zao, hata sisi GSM tunatengeneza calendar zetu, nenda mabenki yote Tanzania wana Calendar zao"
"Taasisi zote kubwa za serikali wana Calendar zao, Sisi Yanga ni taasisi kubwa pia. Tungeweza kutengeneza na kuzigawa bure lakini tukifanya hivyo watu makini watatushangaa maana Yanga inahitaji pesa na hatuoni sababu kwanini Mwananchi asinunue calendar ya timu yake!"
