Yanga kuanza kujifua leo

Baada ya mapumziko ya siku 10, kikosi cha Yanga kinaingia kambini leo kuanza maandalizi ya ligi kuu ya Vodacom itakayorejea Februari 13 pamoja na michuano ya kombe la FA

Ni maandalizi ya awamu ya pili ya mpango wa kusaka ubingwa wa 28

Nyota wa kigeni waliotumia mapumziko hayo kusafiri makwao kuziona familia, walianza kuwasili jana huku wengine wakitarajiwa kutua leo

Nahodha Lamine Moro, mlinda lango Farouk Shikhalo ni miongoni mwa nyota wa kigeni ambao walirejea siku ya jana tayari kuendeleza mapambano

Wakiwa kileleni mwa msimamo wa ligi baada ya kukusanya alama 44, mabingwa hao wa kihistoria watahitaji kuendeleza moto walioanza nao msimu huu wakiwa timu pekee ambayo haijapoteza mchezo katika mashindano yote