Job aitaka jezi ya Yondani Yanga

Mkongwe Kelvin Yondani ameondoka Yanga huku akiacha jezi yake namba tano ikikosa mtu wa kuivaa

Hii ni jezi yenye historia kubwa ndani ya kikosi cha Yanga

Ni sawa na jezi namba 23 iliyokuwa ikitumiwa na Nadir Haroub 'Cannavaro' ambayo yeye mwenyewe alimkabidhi Abdallah Shaibu 'Ninja' akiamini beki huyo chipukizi anaweza kufuata nyayo zake

Sasa beki mpya wa Yanga Dickson Job amesema ataitumia jezi namba tano katika kikosi cha Yanga akiamini ataitendea haki

Job amemtaja Yondani kama mlinzi wake bora aliyeanza kumfuatilia tangu akiwa mdogo

Wakati yuko Mtibwa Sugar, Job alikuwa akitumia jezi namba tano pia

Job amesajiliwa na Yanga katika usajili wa dirisha dogo likiwa ni pendekezo la kocha Cedric Kaze kuimarisha safu yake ya ulinzi