Kiwango kizuri kilichoonyeshwa na walinzi Said Juma Makapu na Abdallah Shaibu 'Ninja' katika michuano ya kombe la Mapinduzi kimempa mtihani kocha Cedric Kaze
Awali kulikuwa na tetesi kuwa mmoja wao angetolewa kwa mkopo baada ya usajili wa mlinzi Dickson Job kutoka klabu ya Mtibwa Sugar
Lakini ni wazi nyota hao walion'gara kwenye mchezo wa fainali dhidi ya Simba, wamempa wakati mgumu Kaze kuamua nani atamtumia katika kikosi chake cha kwanza
Yanga sasa ina walinzi watano wa kati ambao yeyote anaweza kutumika katika mchezo wowote
Katika duru ya kwanza Kaze aliwatumia zaidi manahodha Bakari Nondo Mwamnyeto na Lamine Moro lakini sasa Makapu na Ninja wamemhakikishia kuwa nao wako imara wakati huohuo akiwa amemsajili beki kisiki Dickson Job
Aidha mlinda lango Farouk Shikhalo ambaye aliibuka kuwa kipa bora wa michuano ya kombe la Mapinduzi nae anaweza 'kupindua meza' mbele ya Metacha Mnata
Shikhalo alikuwa na kiwango kizuri katika michuano hiyo akiruhusu bao moja tu lakini pia akionyesha uhodari mkubwa katika kudaka mikwaju ya penati
Benchi la ufundi watakuwa na mtihani kuamua nani aanze kati yake na Metacha aliyemaliza mechi za duru ya kwanza VPL akiwa na cleansheet 11
