Jana Yanga ilifunga dirisha dogo kwa kumsajili mshambuliaji Kimataifa wa Burundi Fiston Abdul Razak akitua kwa Wananchi akitokea klabu ya ENPPI inayoshiriki ligi kuu ya Misri
Fiston ametua Yanga akiwa mchezaji huru baada ya kumaliza mkataba na ENPPI
Huyu ni pacha wa Saido Ntibazonkiza kwenye timu ya Taifa ya Burundi
Pamoja na kufanya vizuri sana msimu huu, kikosi cha Yanga kimekabiliwa na changamoto katika safu yake ya ushambuliaji inayoongozwa na Mghana Michael Sarpong akishirikiana na Yacouba Songne na Waziri Junior
Lilikuwa hitaji la kocha Cedric Kaze kupata mshambuliaji mwingine ambaye ataiongezea safu yake makali
Ujio wa Fiston ni pendekezo la Kaze mwenyewe, bila shaka eneo hilo la ushambuliaji linakwenda kupata tiba
Fiston ana uwezo wa kucheza nafasi zote za winga, ni mchezaji mwenye uzoefu mkubwa na soka la Afrika
Akiwa na umri wa miaka 27, Fiston ameshiriki ligi zenye ushindani katika nchi za Afrika Kusini na Misri
Msimu wa 2015/16 Fiston alisajiliwa na klabu ya Mamelodi Sundowns akitokea Sofapaka ya Kenya. Aliitumikia timu hiyo kwa misimu miwili ikiwa ni pamoja na kutolewa kwa mkopo katika klabu ya Celtic ya huko huko Afrika Kusini
Katika misimu miwili aliyokuwa Afrika Kusini, Fiston alifunga mabao 15 katika mashindano yote
Mwaka 2017 akasajiliwa na mabingwa wa Angola 1 De Agosto ambao aliwatumikia kwa msimu mmoja kabla ya kutimkia Al Zawraa ya Iraq
Alipotoka Iraq akaitumikia JS Kabylie ya Libya kwa muda mfupi kabla ya kujiunga na ENPPI ya nchini Misri aliyoitumikia mpaka Novemba 01, 2020 mkataba wake ulipomalizika
Akiwa na timu ya Taifa ya Burundi, Fiston amecheza mechi 33 akiweka kambani mabao 16
Huyu ni mchezaji mwenye uzoefu mkubwa, hakuna shaka ujio wake Yanga utakuwa na faida kubwa hasa katika eneo la ushambuliaji
