Kikosi cha Yanga kinatarajiwa kurejea jijini Dar es salaam leo, Ijumaa saa 9:30 Alasiri wakitokea visiwani Zanzibar ambako walitwaa taji la kombe la Mapinduzi
Afisa Habari wa Yanga Hassan Bumbuli amewataka mashabiki kujitokeza kwa wingi Bandarini kuwalaki vijana wao ambao wamewapa heshima katika michuano hiyo kwa kuibuka mabingwa wakiwafunga watani zao Simba kwenye mchezo wa fainali
"Timu itarejea kesho (leo) mchana kutoka Zanzibar. Msafara utajumuisha wachezaji, benchi la ufundi na viongozi wa wachache. Tunawaalika mashabiki wetu waje kwa wingi walipokee kombe lao ambalo wachezaji wetu wameshinda huko Zanzibar," alisema Bumbuli
Yanga ilitwaa michuano ya kombe la Mapinduzi juzi kwa ushindi wa mikwaju ya penati 4-3 dhidi ya watani zao Simba katika mchezo wa fainali ambao dakika 90 zilimalizika kwa timu hizo kutoka suluhu ya bila kufungana
