Mshauri wa Yanga Senzo Mazingisa ameeleza furaha yake baada ya kuishuhudia Yanga ikishinda taji la kwanza katika michuano ya kombe la Mapinduzi visiwani Zanzibar
Senzo amewapongeza wachezaji, benchi la ufundi, viongozi na mashabiki kwa mwanzo huu wenye ishara ya mafanikio kwa Yanga msimu huu
"Naipongeza timu ya Yanga kuanzia wachezaji, benchi la ufundi, viongozi bila ya kuwasahau mashabiki pamoja na wadhamini wetu kwa mafanikio haya"
"Huu ni wakati mzuri sana kwa mimi kuwa mwanafamilia wa klabu ya Yanga. Hili ni taji langu la kwanza na bila shaka mataji mengine mengi yanakuja," alisema Senzo
Senzo aliyewahi kuwa mtendaji wa klabu ya Simba, alikuwa miongoni mwa viongozi waandamizi wa Yanga na GSM walioshuhudia mchezo wa fainali ya michuano ya kombe la Mapinduzi dhidi ya Simba uliopigwa uwanja wa Amaan visiwani Zanzibar jana Yanga ikisepa na ubingwa baada ya kushinda kwa penati 4-3 kufuatia matokeo ya suluhu ya bila kufungana
