Mashabiki mapemaaa uwanja wa Amaan

Shamrashamra za mchezo wa fainali michuano ya kombe la Mapinduzi visiwani Zanzibar zilianza mapema sana leo

Masaa manne kuelekea mchezo huo unaowakutanisha watani wa jadi Yanga na Simba, tayari uwanja wa Amaan 'umependeza'

Mpaka kufikia saa sita mchana, tiketi zote 12,000 zilikuwa zimeuzwa mashabiki wengi watalazimika kurejea majumbani kwao ili kuushuhudia mchezo huo kupitia runinga

Katika uwanja wa Amaan mashabiki wa timu zote wanakaa jukwaa moja, tofauti na ilivyo kule Bara pale uwanja wa Benjamin Mkapa mashabiki wa Yanga na Simba wana majukwaa yao