Mlinzi wa kushoto wa Yanga Yassin Mustafa ameeleza furaha yake baada ya kuitwa timu ya Taifa kwa mara ya kwanza
Yassin ni miongoni mwa wachezaji sita wa Yanga waliojumuishwa katika kikosi cha Stars kinachokwenda nchini Cameroon kushiriki fainali za CHAN zinazohusisha wachezaji wa ndani
"Ni ndoto ya kila mchezaji kuichezea timu yake ya Taifa kwani naamini huwezi kujiita mchezaji uliyefanikiwa sana kama hukuwahi kuitumikia timu ya Taifa. Hivo kwangu mimi ni jambo la furaha na heshima kubwa kuitwa kulitumikia Taifa langu," alisema Yassin
"Ninachohitaji kutoka kwa mashabiki ni kuungwa mkono. Watuunge mkono wachezaji wote tulioitwa timu ya taifa kwani sote tunakwenda kufanya kazi moja, kuipa heshima nchi yetu," alisema Yassin
Nyota wengine wa Yanga waliojumuishwa katika kikosi hicho ni Bakari Nondo Mwamnyeto, Feisal Salum,Deus Kaseke, Ditram Nchimbi na Farid Mussa
