Mshambuliaji wa Yanga Yacouba Sogne amepewa mapumziko ili aweze kupona majeraha aliyopata kwenye mchezo wa ligi kuu dhidi ya Ihefu Fc
Yacouba anatibiwa majeraha ya mbavu aliyopata kwenye mchezo huo. Nyota huyo aliyefunga mabao manne na kutoa pasi tatu za mabao, hakuweza kucheza mchezo dhidi ya Tanzania Prisons juzi
Wakati Yanga ikitarajiwa kwenda visiwani Zanzibar kushiriki michuano ya kombe la Mapinduzi, Yacouba huenda akabaki jijini Dar es salaam kukamilisha matibabu yake
Yacouba amekuwa na mchango mkubwa kwenye kikosi cha Yanga katika mechi za hivi karibuni akifunga au kusababisha bao kwenye mechi nne za mwisho alizoshiriki kabla ya kuumia
Raia huyo wa Burkina Faso amewafunga midomo wakosoaji waliokuwa wakiponda usajili wake baada ya kuanza kufanya vizuri katika kila mchezo alioshuka uwanjani
