Mwanzoni ilionekana kama utani vile pale uongozi wa Yanga ulipotangaza kulipeleka shauri la Bernard Morrison Mahakama ya Kimataifa ya usuluhishi wa Michezo (CAS)
Wapo walioamini shauri hilo haliwezi kusikilizwa karibuni, lakini taarifa iliyotolewa juzi na Makamu Mwenyekiti wa Yanga fredrick Mwakalebela imetoa mwanga kuwa Yanga inaweza kupata haki yake huko
Kitendo ya utetezi wa Morrison kukataliwa na kesi hiyo kupangiwa Jaji na tarehe ya kuanza kusikilizwa ni ishara kuwa mapema tu, CAS wamebaini kuna mambo hayako sawa
Yanga italipia takribani Milioni 30 ili kesi hiyo iweze kusikilizwa
Morrison wa nini Yanga?
Wapo wanaojiuliza kwa uimara wa kikosi cha Yanga sasa kwa nini bado wanahangaika na Mghana huyo ambaye hata huko alikosajiliwa hana nafasi ya kucheza?
Uongozi wa Yanga kupitia Makamu Mwenyekiti wake, Fredrick Mwakalebela uliweka bayana hili mapema tu kuwa wanaamini hukumu iliyotolewa kubatilisha mkataba ambao Morrison alisaini Yanga haikuwa sahihi
Hivyo wanachokitafuta sasa ni haki ambayo wanaamini wataipata huko katika vyombo vya Kimataifa
Yanga haijali kesi hiyo itachukua muda gani lakini jambo la muhimu kwao ni kuipigania haki ambayo walinyimwa hapa nyumbani
Yanga inataka mkataba uliobatilishwa utambulike kuwa ulikuwa halali, baadae Morrison na klabu ya Simba watalipa gharama ya kile walichokifanya
