Mwili wa kocha wa zamani wa timu ya soka ya taifa ya Tanzania, Taifa Stars, Dk. Joel Nkaya Bendera unatarajiwa kusafirishwa Jumamosi asubuhi kupelekwa nyumbani kwao, Korogwe mkoani Tanga kwa mazishi.
Bendera aliyeiwezesha Tanzania kufuzu fainali pekee za Kombe la soka la Mataifa ya Afrika (AFCON), mwaka 1980 nchini Nigeria, alifariki dunia juzi jioni katika hospitali ya taifa ya Muhimbili Jijini Dar es Salaam alipofikishwa kupatiwa matibabu.
Ratiba ya msiba wa Naibu huyo Waziri wa Michezo wa zamani inasema kwa sasa ndugu na jamaa wanaendelea kukutana nyumbani kwa marehemu, Sinza Dar es Salaam kwa maombolezo ambayo yataendelea hadi Jumamosi Saa 5.00.
Mwili wake utaagwa katika Hospitali ya Lugalo kabla ya kusafirishwa kwenda Korogwe kwa mazishi.
Mazishi yanatarajiwa kufanyika Jumapili Saa 10.00 jioni baada ya ibada ya kuuombea mwili wa marehemu katika Kanisa la Mtakatifu Michael.
Bendera aliyeiwezesha Tanzania kufuzu fainali pekee za Kombe la soka la Mataifa ya Afrika (AFCON), mwaka 1980 nchini Nigeria, alifariki dunia juzi jioni katika hospitali ya taifa ya Muhimbili Jijini Dar es Salaam alipofikishwa kupatiwa matibabu.
Ratiba ya msiba wa Naibu huyo Waziri wa Michezo wa zamani inasema kwa sasa ndugu na jamaa wanaendelea kukutana nyumbani kwa marehemu, Sinza Dar es Salaam kwa maombolezo ambayo yataendelea hadi Jumamosi Saa 5.00.
Mwili wake utaagwa katika Hospitali ya Lugalo kabla ya kusafirishwa kwenda Korogwe kwa mazishi.
Mazishi yanatarajiwa kufanyika Jumapili Saa 10.00 jioni baada ya ibada ya kuuombea mwili wa marehemu katika Kanisa la Mtakatifu Michael.
ADVERTISE HERE
