Kiungo mshambuliaji wa Yanga Saido Ntibazonkiza amechaguliwa kuwa mchezaji bora wa Taifa a Burundi na Umoja wa vijana wa nchi hiyo
Aidha, Ntibazonkiza aliyetua Yanga mwezi uliopita, anatajwa kuwa mchezaji bora kutokea Burundi katika kipindi cha miaka 10 iliyopita
Ni tuzo anazostahili kabisa kutokana na ubora alioonyesha muda mfupi ndani ya Yanga lakini pia na hata pale anapoitumikia timu ya Taifa ya Burundi
Hapa tunamzungumzia mchezaji ambaye amecheza sio zaidi ya dakika 100 ligi kuu ya Vodacom lakini amehusika katika mabao manne akiwa na kikosi cha Yanga
Pasi tatu za mabao na akaweka kambani bao moja katika mchezo dhidi ya Dodoma Jiji
Huyu ni mchezaji wa kipekee, hakika Burundi ina kila sababu ya kujivunia kuwa mzaliwa wa Taifa hilo
Kwa kuwa na Ntibazonkiza, Yanga imejizolea mashabiki wengi kule Burundi pengine mwishoni mwa msimu itapendeza kama uongozi wa Yanga utaipeleka timu kule Burundi kwenda kuwapa furaha mashabiki wao wapya
