Yanga imeendelea kugawa vipigo ligi kuu ya Vodacom baada ya kuichapa Ihefu Fc mabao 3-0 katika mchezo uliopigwa uwanja wa Sokoine
Saido Ntibazonkiza ameendea kuwa chachu ya mafanikio kwa Yanga akipika mabao muhimu ambayo yameiweka Yanga mbaali na wapinzani wake katika mbio za ubingwa
Deus Kaseke, Yacouba Sogne na Fei Toto ndio waliyoihakikishia Yanga ushindi muhimu mguu wa Ntibazonkiza ukitengeneza mabao mawili
Ni ushindi ambao unaifanya Yanga ifikishe alama 43, alama 11 zaidi ya Simba inayoshika nafasi ya pili
Aidha vijana wa Cedric Kaze wamekamilisha mzunguuko wa kwanza bila ya kupoteza mchezo wowote
Katika michezo 17, wameshinda michezo 13 na kutoka sare michezo minne
Viwanja vya ugenini Yanga imepoteza alama mbili tu!
Wananchi wanarejea jijini Dar es salaam kujiandaa na mchezo wa kombe la FA dhidi ya Singida United
Mchezo huo utapigwa Jumamosi uwanja wa Benjamin Mkapa
