Tshishimbi akifanya yake uwanja wa Uhuru

Kikosi cha Yanga kimeendelea na mazoezi leo uwanja wa Uhuru kujiandaa na mchezo wa kombe la FA dhidi ya Reha utakaopigwa kati ya Disemba 20-25.

Kiungo mahiri Papi Kabamba Tshishimbi ni miongoni mwa wachezaji walioshiriki kikamilifu mazoezi ya leo baada ya kupona kabisa majeraha yake.

Yanga inaendelea kuwakosa wachezaji wake walio kwenye vikosi vya Kilimanjaro Stars na Zanzibar Heroes zinazoshiriki michuano ya Chalenji nchini Kenya.

Mazoezi yanasimamiwa na kocha George Lwandamina ambaye amerejea siku chache zilizopita baada ya mapumziko ya wiki moja.