Kocha Mkuu wa Yanga Cedric Kaze amewashukuru mashabiki wa timu hiyo kwa kujitokeza kwa wingi uwanja wa Sheikh Amri Abeid kuiunga mkono timu yao katika mchezo wa ligi kuu ya Vodacom dhidi ya Dodoma Jiji
Yanga iliibuka na ushindi wa mabao 3-1, ukiwa ni ushindi katika mchezo wa tano mfululizo
Kaze amesema sapoti ya mashabiki ndiyo inayowafanya wachezaji na benchi la ufundi wazidi kupambana kuhakikisha wanapata matokeo katika kila mchezo
Amesema baada ya ushindi wa mchezo wa jana, wanajiandaa kwa ajili ya mchezo unaofuata dhidi ya Ihefu Fc ambao utapigwa Jumatano Disemba 23
"Wananchi popote mlipo tunashukuru sana kwa Kutuombea, kwa supoti kubwa tunapata kila siku kutoka kwenu"
"Wananchi wa Arusha asanteni sana kwa upendo mliotuonyesha jana. Mchezo unaofuata ni dhidi ya Ihefu Dec 23rd tunaenda kujiandaa, tupambane"
"Furaha yenu ndio Heshima yetu," ulisomeka ujumbe wa Kaze alioandika katika ukurasa wake wa mtandao wa kijamii
