Lamine Moro, beki mshambuliaji Yanga

Lamine Moro yuko kwenye mbio za kuwania kiatu cha dhahabu msimu huu jana akiweka kambani bao lake la nne dhidi ya Dodoma Jiji

Tunaweza kusema huyu ni beki mshambuliaji kwani sasa anaongoza orodha ya wafungaji kwenye kikosi cha Yanga akifungana na Michael Sarpong ambaye pia ana mabao manne

Taratibu ameanza kumuambukiza pacha wake Bakari Nondo Mwamnyeto ambaye nae jana kafungua akaunti yake ya mabao msimu huu

Lamine ni beki mwenye jicho la goli, huyu siku moja kocha Cedric Kaze ajaribu kumtumia kama mshambuliaji wa kati, anaweza kuwa hatari

Unaweza kumfananisha na nyota wa zamani wa Yanga na timu ya Taifa marehemu Said Mwamba 'Kizota'

Kizota alikuwa sentahafu mahili lakini pia alikuwa ni mshambuliaji hatari