Timu ya Taifa ya Tanzania Bara 'Kilimanjaro Stars' iko hatarini kuondoshwa mapema kwenye michuano ya CECAFA Challenge baada ya leo kukubali kichapo cha mabao 2-1 kutoka kwa ndugu zao Zanzibar Heroes.
Kama ilivyokuwa mchezo wa kwanza dhidi ya Libya, Kilimanjaro Stars ilikosa muunganiko kila mchezaji akicheza kivyake na kujikuta muda mwingi wakifukuza vivuli vya vijana wa Zanzibar Heroes waliokuwa moto.
Himid Mao alianza kuifungia Stars kwenye dakika ya 28 baada ya kupasiana vyema na Elias Maguri aliyemtengea pasi murua na akaukwamisha mpira wavuni kwa shuti kali.
Licha ya kutangulia kufungwa wachezaji wa Zanzibar Heroes iliyosheheni nyota wanaocheza ligi kuu ya Vodacom waliendelea kucheza kandanda safi na kufanya mashambulizi mengi langoni kwa Stars.
Baada ya kosakosa nyingi, Zanzibar Heroes ilijipatia mabao yake yote kwenye kipindi cha pili yakiwekwa kimiani na Kassim Khamis (70) na Ibrahim Ahmada (77)
Huo ni ushindi wa pili kwa Zanzibar Heroes baada ya juzi kuilaza Rwanda mabao 3-1.
Stars imebaki na alama yake moja iliyopata kwenye mchezo wake wa kwanza dhidi ya Libya.
Kikosi cha Zanzibar
Mohammed Abdulrahman, Ibrahim Mohammed Said, Mwinyi Hajji Mngwali, Abdallah Salum Kheri, Issa Haidar Dau, Abdulaziz Makame Hassan, Mohammed Issa 'Banka', Mudathir Yahya/Kassim Suleiman Khamis dk58/Ibrahim Abdallah Hamad dk87, Ibrahim Hamad, Feisal Salum Abdallah na Hamad Mshamata Makame.
Kama ilivyokuwa mchezo wa kwanza dhidi ya Libya, Kilimanjaro Stars ilikosa muunganiko kila mchezaji akicheza kivyake na kujikuta muda mwingi wakifukuza vivuli vya vijana wa Zanzibar Heroes waliokuwa moto.
Himid Mao alianza kuifungia Stars kwenye dakika ya 28 baada ya kupasiana vyema na Elias Maguri aliyemtengea pasi murua na akaukwamisha mpira wavuni kwa shuti kali.
Licha ya kutangulia kufungwa wachezaji wa Zanzibar Heroes iliyosheheni nyota wanaocheza ligi kuu ya Vodacom waliendelea kucheza kandanda safi na kufanya mashambulizi mengi langoni kwa Stars.
Baada ya kosakosa nyingi, Zanzibar Heroes ilijipatia mabao yake yote kwenye kipindi cha pili yakiwekwa kimiani na Kassim Khamis (70) na Ibrahim Ahmada (77)
Huo ni ushindi wa pili kwa Zanzibar Heroes baada ya juzi kuilaza Rwanda mabao 3-1.
Stars imebaki na alama yake moja iliyopata kwenye mchezo wake wa kwanza dhidi ya Libya.
Kikosi cha Zanzibar
Mohammed Abdulrahman, Ibrahim Mohammed Said, Mwinyi Hajji Mngwali, Abdallah Salum Kheri, Issa Haidar Dau, Abdulaziz Makame Hassan, Mohammed Issa 'Banka', Mudathir Yahya/Kassim Suleiman Khamis dk58/Ibrahim Abdallah Hamad dk87, Ibrahim Hamad, Feisal Salum Abdallah na Hamad Mshamata Makame.
ADVERTISE HERE
