Leo ni nafasi nyingine kwa Yanga kuendelea kujikita kileleni mwa msimamo wa ligi wakihitaji ushindi dhidi ya Mwadui Fc huko mkoani Shinyanga
Kwa sasa ni kama kocha Cedric Kaze ameanza kupata kikosi chake cha kwanza, akishinda mechi tatu zilizopita bila ya kufanya mabadiliko makubwa ya kikosi
Kaze anaweza kurejea na kikosi kilekile ambacho pia kilimpa ushindi wa mabao 2-1 katika mchezo uliopita dhidi ya Ruvu Shooting
Katika mchezo huo, Tuisila Kisinda na Deus Kaseke walitumika kama washambuliaji wanaotokea pembeni wakati Yacouba Sogne na Michael Sarpong wakisimama eneo la ushambuliaji wa kati
Safu ya ulinzi ya Yanga imekuwa bora tangu mwanzo mwa msimu, bila shaka Lamine, Mwamnyeto, Kibwana, Yassin na Metacha Mnata wataendelea kuunda ukuta wa chuma
Eneo la kiungo Feisal Salum na Mukoko Tomombe, nao wametengeneza pacha ya kipekee wakishirikiana karibu mechi zote msimu huu
Kwa hakika Wananchi hawapaswi kuwa na shaka juu ya kikosi chao kwani vijana wa Kaze wameiva na wako kamili kila idara
