Wakati vinara wa ligi kuu ya Vodacom Yanga wakiwa mkoani Shinyanga tayari kwa mchezo wa ligi kuu dhidi ya Mwadui Fc kesho Jumamosi, katika muda mmoja, dada zao Yanga Princess watakuwa pale Bunju uwanja wa Mo Simba Arena kupepetana na watani zao Simba Queens
Baada ya mateso ya misimu miwili, huu ni msimu mwingine tofauti kabisa kwa Yanga Princess, kinadada wamekomaa wakiapa kumaliza unyonge mbele ya watani zao Simba Queens
Yanga Princess imeanza msimu kibabe ikiongoza ligi kuu ya Wanawake baada ya kushinda mechi zote tatu wakifunga mabao 11
Kinadada Wananchi wamejipanga kuandika historia kwa kutwaa taji la ligi ya Wanawake kwa mara ya kwanza
Mchezo dhidi ya Simba Queens utakuwa kipimo sahihi kwao katika kutimiza mpango huo
ADVERTISE HERE
