Wakati dirisha la usajili likitarajiwa kufunguliwa wiki ijayo, uongozi wa klabu ya Yanga umeliandikia barua Shirikisho la Mpira wa Miguu Tanzania (TFF) kukumbushia kuhusu madai waliyowasilisha awali juu ya mchezaji Bernard Morrison
Hivi karibuni uongozi wa Yanga ulieleza wasiwasi wake kutokana na ukimya wa TFF katika kushughulikia maadai yao yanayohoji uhalali wa mkataba wa Morrison aliosaini na Simba
Makamu Mwenyekiti wa Yanga Fredric Mwakalebela alisema jambo hilo lilipaswa kusikilizwa kabla ya dirisha dogo la usajili kufunguliwa kwani dirisha hilo litakapofunguliwa litawapa Simba mwanya wa kusahihisha makosa yaliyopo kwenye mkataba
Yanga imeibua sakata hilo ikiwa ni siku chache tangu kiungo wa zamani wa Simba, Shiza Kichuya aliyesajiliwa na timu hiyo usajili wake kuonekana na matatizo kabla ya juzi kufungiwa na Shirikisho la Soka la Kimataifa (FIFA) sambamba na Simba kutozwa faini ya dola 130,000 (Sh 300Mil).
