Baada ya ushindi wa mabao 2-1 dhidi ya Ruvu Shooting hapo jana, vinara wa ligi kuu Yanga wanaendelea na maandalizi kuelekea mchezo unaofuata ambao ni dhidi ya Mwadui Fc
Mchezo huo utapigwa Disemba 12 kwenye uwanja wa CCM Kambarage, Shinyanga
Afisa Habari wa Yanga Hassan Bumbuli amewataka mashabiki mkoani Shinyanga wakae tayari kuipokea na kuiunga mkono timu yao kwenye mchezo huo
Yanga inatarajiwa kutua Shinyanga Alhamisi, Disemba 10 tayari kwa mchezo huo
Aidha Yanga huenda ikaupeleka mkoani Arusha mchezo wa ligi kuu dhidi ya Dodoma Jiji ambao utapigwa Disemba 19
Bumbuli amesema timu zote zinazoshiriki ligi kuu zina nafasi ya kucheza mchezo mmoja nje ya uwanja wao rasmi ili kuwapa burudani wakazi wa maeneo mengine
Kwa kuwa Arusha haina timu inayoshiriki ligi kuu, uongozi wa Yanga huenda ukawapelekea burudani hiyo uwanja wa Sheikh Amri Abeid
