Hakuna shaka jana katika mchezo wa ligi kuu dhidi ya Ruvu Shooting, nyota wa mchezo alikuwa ni mmoja tu, Tuisila Kisinda 'TK Master'
Katika mchezo huo uliomalizika kwa Yanga kuibuka na ushindi wa mabao 2-1, mabao yote ya Yanga yalipita mguuni kwa TK Master
Baada ya Bernard Morrison kuondoka Yanga na kujiunga na Simba katika mazingira ya kutatnisha, wapo waliopata hofu kuwa kuondoka kwake pengine kungeiathiri Yanga
Lakini sidhani kama kuna Mwanayanga ana hata huo muda wa kumfikiria Morrison, ujio wa Kisinda umemfuta kabisa Morrison katika mioyo ya Wananchi
Kisinda amerejesha ule utamaduni wa Yanga kushambulia kupitia pembeni, kasi yake imekuwa changamoto kwa walinzi ligi kuu
Mpaka sasa TK Master amedhihirisha kuwa hakabiki, huyu mwamba ana kasi mithiri ya upepo. Amefanikiwa kuitumia silaha hiyo kuwatesa walinzi wa timu pinzani
Mlinzi wa Simba Joash Onyango 'Babu Onyango' ni miongoni mwa walioonja shubiri ya Kisinda! Jana walinzi Cassian Ponera na Juma Nyosso nao hawakukiepuka kikombe hicho
Mpaka sasa Kisinda amehusika kwenye mabao manne ya Yanga, akifunga moja na kutengeneza mabao matatu
Kadiri anavyoizoea ligi ya Tanzania, ndivyo anavyoendelea kuwa hatari zaidi
