Jezi takribani 500 zimeandaliwa kunogesha mapokezi ya kiungo mshambuliaji Said Ntibazonkiza ambaye atawasili nchini wakati wowote
Afisa Mhamasishaji wa Yanga Antonio Nugaz amesema jezi hizo orijino zitakuwa na jina la Nibazonkiza na zitauzwa kwa Tsh 35,000/-
Nugaz amesema watatoa taarifa kwa Wananchi ni lini nyota huyo atatua na utaratibu wa mapokezi yake
Msimu huu Yanga imeweka utaratibu wa kipekee kwa mapokezi ya nyota wake wa kigeni wanaotua kuwatumikia mabingwa hao wa kihistoria
Carlinhos, Mukoko na Tuisila Kisinda mapokezi yao yalivunja rekodi, mamia ya Wananchi wakijitokeza uwanja wa Ndege wa Kimataifa wa Mwalimu JUlius Nyerere kuwalaki
Hata hivyo nyota hao walitua wakati Yanga ikiwa bado haijatambulisha jezi zake kwa ajili ya msimu huu na hivyo kukosa fursa ya mauzo ya jezi
