Baada ya mapumziko ya takribani wiki mbili kupisha mechi za Kimataifa kalenda ya CAF kusaka tiketi ya kucheza fainali za Afcon 2021, Yanga inarejea uwanjani leo kuikabili Namungo Fc ukiwa ni mchezo wa ligi kuu ya Vodacom
Huu ni mchezo muhimu kwa Yanga kwani matokeo ya ushindi yatawashuhudia wakipanda kileleni mwa msimamo wa ligi
Yanga iko nyuma ya Azam Fc kwa tofauti ya alama moja. Kipigo cha Azam Fc hapo jana kimeipa nafasi Yanga kurejea kileleni
Kocha Mkuu wa Yanga Cedric Kaze ameweka mkakati wa kuhakikisha wanafanya vizuri katika mechi zote saba zilizobaki kukamilisha duru ya kwanza
Leo atakuwa na kikosi chake kamili kitakachowajumuisha nyota waliokuwa na timu za Taifa. Ni Haruna Niyonzima pekee ambaye huenda akakosekana
Juzi Niyonzima alipata ajari nchini Rwanda, ilielezwa hakuwa amepata madhara makubwa
Mchezo utapigwa saa moja usiku katika uwanja wa Benjamin Mkapa jijini Dar es salaam
