Chibada kupandishwa timu ya wakubwa

Baada ya kuonyesha 'shoo ya kibabe' kwenye mchezo wa kirafiki dhidi ya African Lyon, benchi la ufundi la klabu ya Yanga limeahidi kumtumia Omary Chibada katika mechi za ligi na mashindano mengine

Juzi ilikuwa mara yake ya kwanza Chibada kuitumikia timu ya wakubwa akipewa nafasi hiyo na kocha Cedric Kaze baada ya kumshuhudia kwenye mazoezi ya kikosi cha Yanga B

Kocha Msaidizi wa Yanga Juma Mwambusi amesema, kiwango alichoonyesha Chibada juzi, kimewapa sababu ya kumtumia zaidi kwenye kikosi cha kwanza

Pamoja na kucheza kwa dakika chache, Chibada alionyesha uwezo mkubwa sana eneo la kiungo akipiga pasi makini

Hii ni nafasi kwake kumshawishi Kaze ili aweze kumpa nafasi zaidi uwe mwanzo mzuri wa safari yake ya mafanikio kwenye soka