Jana Yanga ilicheza mchezo wa kirafiki dhidi ya African Lyon na kufanikiwa kuibuka na ushindi wa mabao 3-1
Mabao ya Yanga katika mchezo huo uliopigwa uwanja wa Azam Complex yalifungwa na Tuisila Kisinda, Yacouba Sogne na Michael Sarpong aliyefunga kupitia mkwaju wa penati
Katika mchezo huo kocha Cedric Kaze aliwapa nafasi vijana wanne kutoka timu ya vijana Yanga B
Kivutio zaidi alikuwa kiungo Omary Chibada ambaye aliingia ndani ya dakika 20 za mwisho
Chibada alionyesha uwezo mkubwa wa kumiliki mpira, lakini akiwa mahiri sana katika kupiga pasi
Mashabiki wengi wametamani kumuona kinda huyo anapandishwa moja kwa moja timu ya wakubwa aungane na Adam Kiondo ambaye jana Kaze alimtumia nafasi ya kiungo mkabaji
Kaze hupendelea sana soka la vijana, hivyo bila shaka vijana wengi kutoka Yanga B watanufaika na uwepo wake
Moja ya mambo aliyofanya baada ya kutua Yanga ni kutilia mkazo timu ya vijana, mara kadhaa ametoa maelekezo na mwenyewe kuhudhuria mazoezi
