FT : Yanga 3-1 African Lyon

Yanga imetakata uwanja wa Azam Complex leo baada ya kuichapa African Lyon mabao 3-1 katika mchezo wa kirafiki

Yanga iliuanza mchezo huo kwa kasi na walifanikiwa kufunga mabao yao yote katika dakika 30 za mwanzo

Mabingwa hao wa kihistoria walihitaji dakika sita tu kufunga mabao mawili kupitia kwa Tuisila Kisinda na Yacouba Sogne kabla Michael Sarpong hajafunga bao la tatu kupitia mkwaju wa penati baada ya Kisinda kufanyiwa madhambi ndani ya eneo la hatari

Yanga imeanza kucheza vile falsafa ya kocha Cedric Kaze inaelekeza. Muda mwingi mpira ulikuwa katika himaya ya Yanga, timu ikitengeneza mashambulizi kuanzia nyuma

Aidha Kaze ameonyesha imani yake kwa vijana akiwapa nafasi katika dakika 20 za mwisho