Kiungo Mukoko Tomombe ameendelea kujizolea tuzo nchini jana akitwaa tuzo wa mchezaji bora wa mwezi Oktoba Ligi kuu ya Vodacom
Mcongomani huyo amenza vyema katika kikosi cha Yanga, huu ni usajili uliolipa mapema sana
Ndani ya Yanga tayari amezoa tuzo nne. Mchezaji bora wa mechi mara mbili, mchezaji bora wa mwezi Septemba lakini pia katika mchezo dhidi ya Simba Mukoko aliondoka na tuzo ya nyota wa mchezo
Tuzo ya VPL inakuwa tuzo ya tano kuipata katika kipindi cha miezi mitatu tu aliyoitumikia Yanga mpaka sasa
Huu ni usajili ambao thamani yake yake imeonekana mapema sana
Awapo uwanjani, Mukoko ni mpambanaji, mhamasishaji, anakuwa mstari wa mbele kuhakikisha timu inafanikisha malengo ya kupata matokeo katika kila mchezo
Amefunga mabao matano, mawili kwenye ligi na matatu kwenye mechi za kirafiki
Haishangazi kuona kocha Cedric Kaze amemchagua kuwa moja ya manahodha katika kikosi chake akisaidiana na Lamine Moro ambaye ndiye nahodha namba moja na Bakari Nondo Mwamnyeto ambaye ni nahodha wa pili
Mukoko amewahakikishia Wanayanga kuwa yeye ni Mwananchi na hao wanaozusha kumsajili watasubiri sana...!
