Moro yuko kamili kurejea kikosini

Nahodha wa Yanga, Lamine Moro alipata majeraha kwenye mchezo dhidi ya Simba ambayo yalimfanya atolewe mwanzoni mwa kipindi cha pili 

Habari njema ni kuwa Lamine hakupata majeraha makubwa, daktari wa Yanga amethibitisha

Dkt. Shecky Mngazija amesema majeraha aliyopata nahodha huyo baada ya kugongana na Shomari Kapombe wa Simba hayakuwa ya kiwango kikubwa.

"Tulimfanyia vipimo Jumatatu iliyopita, majibu yanaonyesha kuwa hakukuwa na hatari yoyote kubwa kwenye goti lake, ulikuwa ni mgogano wa kawaida ingawa ulisababisha maumivu hapo kabla lakini baada ya vipimo vya X-ray tumempatia dawa na sasa yuko tayari kuanza mazoezi taratibu" amesema Dkt. Mngazija.