Kocha Mkuu wa Yanga Cedric Kaze amesema baada ya kukinoa kikosi cha mabingwa hao wa kihistoria kwa takribani siku 22, ameanza kuuona mwanga wa timu anayoitaka
Mtaalam huyo wa soka raia wa Burundi amesema wana nafasi ya kuendelea kujiimarisha kama timu na hata mchezaji mmoja mmoja
Kaze amesema matokeo ya sare ya bao 1-1 dhidi ya Simba hayakuwa mabaya kwa upande wao jambo walihitaji zaidi kuondoka na alama zote tatu
Aidha Kaze ameeleza 'kukoshwa' na sapoti ya mashabiki wa Yanga waliojitokeza kwa wingi uwanja wa Benjamin Mkapa kuiunga mkono timu yao
"Tumepambana mpaka mwisho lakini matokeo sio tuliyoyatarajia. Baada ya kukaa na timu kwa siku 22 naanza kuona tunaimarika lakini tungali na nafasi ya kujiimarisha zaidi kwa mchezaji mmoja mmoja na timu pia"
"Asante sana Wananchi sapoti yenu jana ilikuwa muhimu sana. Tunarejea kazini kujiandaa na mchezo unaofuata Nov 22 dhidi ya Namungo tuhakikishe tunafanya vizuri," alisema Kaze
Yanga haijapoteza mchezo wowote tangu kuanza kwa msimu huu, imeshinda michezo saba na kutoka sare michezo mitatu
Inashika nafasi ya pili kwenye msimamo wa ligi ikiwa na alama 24
