Uongozi wa klabu ya Yanga umewataka mashabiki wake kukata tiketi mapema ili kuepuka usumbufu unaoweza kujitokeza Jumamosi siku ya mchezo dhidi ya Simba utakaopigwa uwanja wa Benjamin Mkapa kuanzia saa 11 jioni
Antonio Nugaz, Afisa Msemaji na Mhamasishaji wa klabu ya Yanga, amesema Yanga ndiye mwenyeji wa mchezo huo hivyo anatarajiwa kuwaona wananchi kwa wingi wao wakitinga uwanjani kuwapa sapoti wachezaji
Tiketi zimeanza kuuzwa jana, Mzunguko 7,000/-, Viti vya Orange 10,000/-, V.I.P C 15,000/-, V.I.P B 20,000/-, V.I.P A 30,000/-
Kutokana na mabadiliko ya utaratibu wa kuingia uwanja wa Mkapa, ule utamaduni wa mashabiki kununua tiketi siku ya mchezo, changamoto zimeshuhudiwa katika baadhi ya michezo ambapo mashabiki wengi walishindwa kuingia uwanjani
