Mshauri wa klabu ya Yanga Senzo Mazingisa amesema alama saba kati ya tisa walizopata kanda ya ziwa sio haba na sasa wamerejea jijini Dar es salaam kujiandaa na mchezo dhidi ya Simba
Senzo ambaye anafanya kazi bega kwa bega na uongozi wa Yanga sambamba na GSM, amesema mechi walizocheza kanda ya ziwa hazikuwa nyepesi
"Tumekusanya alama saba kati ya tisa kanda ya ziwa sio haba. Haikuwa michezo rahisi. Tunarejea jijini Dar es salaam kujiandaa na mchezo unaofuata. Yapo mengi tuliyojifunza, bado mapema, tutakabili kila mchezo kwa wakati," alisema
Ikiwa kanda ya ziwa, Yanga iliweza kupata ushindi wa mabao 2-1 dhidi ya KMC kisha kuifunga Biashara United bao 1-0, timu hizo ziko katika nafasi tano za juu kwenye msimamo wa ligi
Jana mabingwa hao wa kihistoria wakalazimishwa suluhu ya bila kufungana dhidi ya Gwambina Fc katika mchezo ambao kocha Cedric Kaze alifanya mabadiliko ya takribani wachezaji tisa kwenye kikosi chake kilichoanza
Kaze alichanga karata zake vyema kuhakikisha Jumamosi anakuwa na kikosi chake kamili na imara kuikabili Simba
