Piga kura kwa mchezaji bora wa mwezi Oktoba

Utaratibu wa kutoa tuzo kwa wachezaji wanaofanya vizuri katika mechi, mwezi na kila msimu hutumiwa na vilabu vingi ikiwa njia moja ya kuwaongezea hamasa wachezaji

Msimu huu Yanga inatumia utaratibu huo kikamilifu ambapo tuzo ya mchezaji bora wa kila mechi hutolewa

Pia tuzo ya nyota wa mwezi inatolewa ambapo kiungo Mcongomani Mukoko Tomombe alikuwa mchezaji wa kwanza kupata tuzo hiyo kwa ajili ya mwezi wa tisa

Nyota walioteuliwa kuwania tuzo ya mchezaji bora kwa ajili ya mwezi wa kumi ni Metacha Mnata, Bakari Nondo Mwamnyeto, Lamine Moro na Farid Mussa

Piga kura yako kupitia ukurasa rasmi wa klabu ya Yanga mtandao wa Twitter 'yangasc1935'