Mshambuliaji wa Yanga Michael Sarpong mpaka sasa amefunga mabao matatu katika mechi zote alizocheza pamoja na zile za kirafiki
Amefunga mabao mawili katika mechi za kirafiki na bao moja kwenye mchezo wa ligi kuu
Sio kasi ambayo Wanayanga walikuwa wakiisubiri kutoka kwake lakini mwenyewe amefunguka changamoto alizokutana nazo
"Najua kama mshambuliaji kazi yangu ni kufunga mabao, lakini muhimu zaidi ni kuisaidia timu kupata ushindi bila ya kujali nimefunga mimi au mwingine"
"Huu ndio msimu wangu wa kwanza kucheza ligi ya Tanzania, zipo changamoto nilizokutana nazo"
"Kikubwa nadhani kwa sasa niko tayari baada ya kuzoea mazingira, nitaipigania timu ili kuhakikisha tunakamilisha malengo yetu. Sina wasiwasi kwani najua nitafunga," alisema Sarpong
Sarpong alisababisha mkwaju wa penati kwenye mchezo dhidi ya KMC na Tuisila Kisinda kuirejesha timu mchezoni baada ya kuweka kambani tuta hilo
Aina ya uchezaji wake umewapa wakati mgumu walinzi wa timu pinzani kwani ni mshambuliaji mwenye 'physique' iliyoshiba kwelikweli
