Berdien apewa mkono wa kwaheri Yanga

Ni kama uongozi wa Yanga umeachana na aliyekuwa kocha wake wa viungo Riedoh Berdien ambaye hivi karibuni ameonekana akisimamia majukumu kama hayo kwenye timu ya Taifa ya Gambia

Berdien aliondoka nchini mwezi uliopita kwa kile alichoeleza kwenda mapumziko ya wiki moja kwa ajili ya kuiona familia yake

Hata hivyo tangu wakati huo, kocha huyo hajarejea tena nchini ikielezwa habari yake na Yanga imemalizika ingawa hakuna taarifa rasmi iliyotolewa

Aidha kupitia mahojiano aliyofanya na chombo kimoja cha habari, Berdien amesema amefikia makubaliano ya kusitisha mkataba wake na Yanga ikielezwa kuwa aliondoka nchini bila ya kupewa ruhusa na uongozi

Berdien aliletwa nchini na Luc Eymael kocha aliyetimuliwa Yanga kwa makosa ya kibaguzi