Carlinhos kuwakosa Polisi Tanzania

Kiungo mshambuliaji wa Yanga Carlinhos hatakuwa sehemu ya kikosi cha timu hiyo kitakachoikabili Polisi Tanzania kwenye mchezo wa ligi kuu hapo kesho

Carlinhos alipata majeraha katika mazoezi ya Yanga yanayofanyika viunga vya Avic Town, Kigamboni

Kocha Mkuu wa Yanga Cedric Kaze amethibitisha kuwa Carlinhos ni miongoni mwa wachezaji wanne ambao hawapo kwenye mpango wa mchezo huo kutokana na majeruhi. Wengine ni Mapinduzi Balama, Fahdi na Abdulaziz Makame

Meneja wa Yanga Hafidh Saleh amesema majeraha aliyopata Carlinhos ni ya kawaida na wanatarajia atarejea kikosini karibuni

Katika mechi nne alizocheza kwenye ligi msimu huu, Carlinhos amefunga bao moja na kutengeneza mabao mawili