Kocha Mkuu wa Yanga Cedric Kaze ameeleza kufurahishwa na muitikio wa wachezaji wake katika program za mazoezi anazowapatia
Kocha huyo raia wa Burundi, ameinoa Yanga kwa takribani siku tatu sasa. Ameeleza vijana wake wanajitoa kwa moyo kuhakikisha wanafahamu kile anachowafundisha
Aidha Kaze amebainisha kuwa ni wachezaji wanne tu ambao wamekosa mazoezi kutokana na sababu mbalimbali
"Tunashukuru tumeanza vizuri, vijana wanajitoa kwa moyo mmoja, kikosi chetu kiko katika hali nzuri tunawakosa wachezaji wanne tu. Abdulaziz Makame ni majeruhi pamoja kijana Fahad aliyepandishwa kutoka timu ya vijana. Hawa wameanza program maalum za mazoezi"
"Tunafahamu majeruhi ya Mapinduzi Balama ni ya muda mrefu lakini pia tunamkosa Carlinhos ambaye ni mgonjwa," alisema Kaze
Kaze atakuwa na mtihani wake wa kwanza katika ligi kuu ya Vodacom siku ya Alhamisi, pale kikosi chake kitakaposhuka uwanja wa Uhuru kuikabili Polisi Tanzania katika mchezo utakaopigwa saa kumi Alasiri
