Mshambuliaji wa zamani wa Yanga Yikpe Gnamien ameibukia huko Saudi Arabia baada ya kusajiliwa na Arar SC inayoshiriki ligi kuu nchini humo
Yikpe ni miongoni mwa wachezaji ambao walishindwa 'kutoboa' katika kikosi cha Yanga msimu huu baada ya kushindwa kuonyesha kiwango chenye ushawishi
Pamoja na kusaini mkataba wa miaka miwili mwezi Januari, mabosi wa Yanga walifikia makubaliano nae na hivyo kuvunja mkataba wake
Moja ya sifa kubwa aliyonayo Yikpe raia wa Ivory Coast, ni mpambanaji na haishangazi kuona ameweza kupata timu ndani ya muda mfupi licha ya kuwa alipokuwa hapa alionekana ni mchezaji ambaye hastahili kucheza hata timu ya daraja la kwanza
Jambo jingine ni kuwa watanzania tunaendelea kudhihirisha kuwa sisi tunafahamu sana soka kuliko wenzetu wengine huko duniani
Maana ni kawaida wachezaji wengi wanaoshindwa hapa, wanapoondoka hufanikiwa
Yikpe, David Molinga, Patrick Sibomana, Papy Tshishimbi ni miongoni mwa wachezaji walioachwa kwenye kikosi cha Yanga msimu huu
Molinga amesajiliwa na klabu ya Zesco United, Tshishimbi ametua AS Vita na Sibomana amerejea kwao Rwanda akisajiliwa na klabu ya Polisi
