Unaweza kuelewa kwa nini uongozi wa Yanga kuchukua hatua za haraka kumtimua aliyekuwa kocha wa timu hiyo Zlatko Krmpotic kwani katika siku 37 alizodumu Yanga hakufahamu aina ya wachezaji aliokuwa nao
Farid Mussa ni mchezaji ambaye mashabiki walikuwa wakipiga kelele sana apewe nafasi lakini Krmpotic ni kama aliweka pamba masikioni
Mussa ni aina ya wachezaji ambao wanaweza kuinufaisha timu katika kushambulia
Jana kocha msaidizi Juma Mwambusi alimtumia Farid kwa dakika zote 90 kwenye mchezo wa kirafiki dhidi ya Mwadui Fc
Alitengeneza moja ya nafasi muhimu sana ambayo Wazir Junior atajilaumu kwa kukosa bao la wazi kabisa
Yanga ina wachezaji wazuri wa pembeni, Farid, Tuisila Kisinda, Nchimbi na hata Juma Mahadhi taratibu anaonekana kuanza kurejea katika makali yake baada ya kukaa nje kwa miaka miwili
Mchezo wa jana dhidi ya Mwadui, ndio mchezo wa kwanza Farid anacheza dakika zote tisini
Ni mchezaji ambaye angekuwa ameimarika zaidi kama angekuwa akicheza tangu msimu ulipoanza
